-
Romanyotes i baluk bazarlis
Romanyotes i baluk bazarlis
par Edmond CohenKuando los dujudyos de Espanya vinyeron en Turkiya, los Djudyos ke moravan de antes en Estambol, ke se yamavan Romanyotes i ke avlavan grego komo los Bizantinos, se sefardizaron a poko a poko i se metyeron a avlar, eyos tambyen, en espanyol.
Ama en vezes ya kedo una memorya de las orijenes romanyotas de alguno, es kuando se dize ke es un baluk bazarli.Uvo al tiempo un balik pazari (merkado de los pishkados, ke los djudios yamavan baluk bazar) en Estambol, i yo konosko en Paris una famiya Cohen, i kada vez ke se avla de esta famiya, se adjunta "Cohen de los baluk bazarlis".
La razon es ke los Romanyotes moravan en Estambol en una male serka de este merkado.Dizir de estos Cohen ke son de los baluk bazarlis es manera de dizir ke son de orijen
romanyota, i no espanyola.
I kale adjuntar ke esto es konsiderado komo una koza, dire aristokratika, un poko komo los del Mayflower...!
-
Commentaires